新青年理发厅 (New Youth Barber Shop)

香港仔
作词：新青年理发厅
作曲：新青年理发厅
编曲：新青年理发厅

我朋友中学时代 就喺鸭脷洲长大
而家下个个大晒 反而唔太想大
东村西村 跑落海怡 会经过大街
鸭脷洲唔算大 不过以前已经系我地全世界
嗱嗱嗱 鸭脷洲个“脷”字唔好写错
全部都有渊源 唔识记得要写过

呢个咁嘅小岛 你都未必知道
佢拥有全世界最高 嘅人口密度
穿过鸭脷洲大桥 掟个弯就到黄竹坑
家下家家户户都搬晒上半山
唔好误会 只不过系搬晒上石排湾

以前姑妈住喺黄竹坑成街都系小贩
间唔时仲会一家人去海洋公园玩
而家海洋公园都好少去 唔系我地去
生日嗰日免费或者可以谂谂佢

住得喺香港仔 做咩都要出铜锣湾
咁唔行香港仔隧道 唔通爬过座山
讲到呢条隧道几时会塞 我地就最有心得
返工时间佢会塞？佢未必塞
放工时间佢实塞？佢都未必塞

无错佢就喺你最赶时间最心急嗰阵先塞

日日都间歇性封闭
咁不如索性将佢成条荒废
不过都唔好制
第时有左地铁可能更加湿滞
沿住地铁沿线 全世界都要改变
话就话帮你改善 赶走左你先

周围拆呀拆呀拆 拆到一挞挞
条马路窄呀窄呀窄 有咁窄得咁窄
起酒店servce啲客 赶走啲阿婆阿伯
食肆又拆无野喰 深湾船厂嗰边喺树放火靠吓
卒之拆到个世界无晒性格

一住住左廿几年 万一要搬都唔知点算
一条村最紧要 要有啲公园
你老未 你未老 所以你未必知道
紧要有啲细路 仲要有啲两老
拖下手仔散步 噏下呢呢路路

嗰啲环球店铺 根本唔需要响到
如果我想买野 我自然会出轩尼斯道
呢到以前唔系咁架㖞
定系 我地大个左？

标签: 歌词大全