新青年理发厅 (New Youth Barber Shop)

岂能尽如人意
作词：新青年理发厅
作曲：新青年理发厅

喂 今日我想讲一个小小嘅故事
呢个故事唔多唔少都同你有啲关事
喺二十六年前 1989年
我出现喺 呢个世界 呢个城市嘅一间医院

喺呢到出世成长 读书学写字 ABCDE123笑
终于都毕业出嚟社会做事
正所谓 生于斯 长于斯
系无错 我系 好钟意 呢个城市

我细细个老豆就话我知
要记住读唔读到书唔系紧要
至紧要做人有大志 有斗志 够坚持
行行都出状元
系边到跌倒咪由边到再开始

所以我屋企 挂住好多真言同大字
其中有一句我觉得特别有意思
岂能尽如人意 但求无愧于心
就系咁 我拎住呢个心 呢只宗旨去做人

曾几何时我都好目标
我觉得 我可以 系呢到 一步一步揾到自己嘅路
但系逐步逐步睇到
呢到愈黎愈离谱 愈睇愈恐怖 愈谂愈唔对路

楼市升升升升有人高兴
但系我地啲升斗市民就鬼火咁㷫
你以前无 依家无 将来都无
如果想要成功之道 或者可以问下父母

呢到太多大道理 硬道理 讲到尾 未必系真理
但系讲到你 失去理志 无晒自己 自己呃自己 咪一味去跟人尾
然后再去话人地 香港地无晒香港味

穷几多青春供一个窦 还是穷一生都跟规则博斗
到某日庆幸换得到石头 回头又过了几多个秋
难得青春该好好去演奏 穷得起的都捉紧了时候 挥霍自由
眉头白了再逐一细阅 像一出电影 琐碎片段
离场后通通也没有 只有记忆带走

标签: 歌词大全