黄乙玲

寂寞的看板
作词：武雄
作曲：萧蔓萱

城市的风吹过凌乱的街巷 闹热的灯照着寂寞的看板
沿路的人拢是成对搁成双 阮只是孤单行过一段 无聊的拜六

＊两字缘份心茫茫 往事醉过烧酒香
一条路倒来颠去 谁来乎阮梦
月色染头鬃 搁夜夜来戏弄 连情话拢无一句相送

＃凌乱的风吹过城市的眠梦 痴情目睭点着寂寞的看板
思念的歌继续一句唱一工 阮等无真心爱阮的人 情爱不敢读

Repeat ＊,＃ ＊,＃

8182/《寂寞的看板》Tsi̍k-bo̍k ê Kha̋ng-páng
黄乙玲N̂g It-lîng

城市的风
siânn-tshī ê hong
吹过凌乱的街巷
tshue kuè lîng-luān ê ke-hāng
闹热的灯
lāu-jia̍t ê ting
照着寂寞的看板
tsiò tio̍h tsi̍k-bo̍k ê kha̋ng-páng
沿路的人
iân-lōo ê lâng
拢是成对阁成双
lóng-sī sîng-tuì koh sîng-siang
阮只是孤单

gún tsí-sī koo-tuann
行过一段无聊的拜六
kiânn--kuè tsi̍t-tuānn bô-liâu ê pài-la̍k

两字缘份心茫茫
nn̄g-jī iân-hūn sim bâng-bâng
往事醉过烧酒芳
óng-sū tsuì kuè sio-tsiú phang
一条路倒来颠去
tsi̍t-tiâu lōo tó-lâi tian-khì
谁来予阮梦
siáng lâi hōo gún bāng
月色染头鬃
ge̍h-sik ní thâu-tsang
阁夜夜来戏弄
koh iā-iā lâi hì-lāng
连情话拢无一句相送
liân tsîng-uē lóng bô tsi̍t-kù sio-sàng

凌乱的风
lîng-luān ê hong
吹过城市的眠梦
tshue kuè siânn-tshī ê bîn-bāng
痴情目睭
tshi-tsîng ba̍k-tsiu
点着寂寞的看板
tiám tio̍h tsi̍k-bo̍k ê kha̋ng-páng
思念的歌
su-liām ê kua
继续一句唱一工
kè-sio̍k tsi̍t-kù tshiùnn tsi̍t-kang
阮等无真心爱阮的人
gún tán bô tsin-sim ài gún ê lâng
情爱毋敢读
tsîng-ài m̄-kánn tha̍k

1. 感谢 W.B. Chen 修正歌词

标签: 歌词大全