龙千玉 半边月半边圆 作词:王宗凯 作曲:王宗凯 编曲:尤景仰 问花香归瞑 问你咁有意 问阮的情寄叨位 呒通问花期 呒通问情意 有缘没份酸苦味 红花红归瞑 红花为你开 乎阮的爱是啥米 瞑瞑等待伊 等待梦中见 梦醒悠悠珠泪滴 女人花啊连骨枝 寒冷中犹原展香气 半边月半边圆 另外一边我问你 是呒是伊的爱若天星闪闪识 半边月半边圆 另外一边放舍去 是呒是若亲像阮的爱搓抹圆
6505/《半爿月半爿圆》Puànn-pîng Gue̍h Puànn-pîng Înn 龙千玉Liông Tshian-gio̍k 问花芳规暝 mn̄g hue phang kui-mî 问你敢有意 mn̄g lí kám iú-ì 问阮的情寄佗位 mn̄g gún ê tsîng kià tó-uī 毋通问花期 m̄-thang mn̄g hue-kî 毋通问情意 m̄-thang mn̄g tsîng-ì 有缘无份酸苦味 ū-iân bô-hūn sng-khóo-bī 红花红规暝 âng-hue âng kui-mî 红花为你开 âng-hue uī lí khui 予阮的爱是啥物 hōo gún ê ài sī siánn-mih 暝暝等待伊 mî-mî tán-thāi i 等待梦中见 tán-thāi bāng-tiong kìnn 梦醒悠悠珠泪滴 bāng tshínn iu-iu tsu-luī tih 女人花啊连骨枝 lú-jîn-hue--ah liân kut-ki 寒冷中犹原展芳气 hân-líng tiong iu-guân tián phang-khuì 半爿月 puànn-pîng gue̍h 半爿圆 puànn-pîng înn 另外一爿我问你 līng-guā tsi̍t-pîng guá mn̄g lí 是毋是伊的爱 sī-m̄-sī i ê ài 若天星闪闪烁 ná thinn-tshinn siám-siám-sih 半爿月 puànn-pîng gue̍h 半爿圆 puànn-pîng înn 另外一爿放捒去 līng-guā tsi̍t-pîng pàng-sak--khì 是毋是若亲像 sī-m̄-sī ná-tshin-tshiūnn 阮的爱挲袂圆 gún ê ài so buē înn - 感谢 W.B. Chen 修正歌词
标签: 歌词大全
|