大台风 东方的太阳 作词:郭之仪 作曲:郭之仪 七早八早有人块搬厝 吵甲楼顶楼脚Who怕Who 险起脚动手 拢呒愿认输 无暝无日拖咧黑白乱锯 湮甲归栋公寓濛烟散雾 像火烧厝 拢因为自私 我亲像鼎顶蚂蚁块跳舞 嘛亲像走投无路的老鼠 想欲飞 飞出吵闹的社会 想欲鑚地 脱离是非甲长短 想欲飞 飞出残酷的社会 想欲鑚地 管汰伊谁人做皇帝 恁甲治受罪 我无可奉陪 有人将台湾叫做乌鲁木齐 归工拢抢劫飙车杀人放火 这是什么社会 全民抗议游街 是谁人暗中破坏咱的土地 枉费上帝为咱揹十字架 原来一场误会 谁人是罪魁 要学习鼎顶蚂蚁的倔强 呒通变成走投无路的'台佣' 向前冲 看在台湾的份上 呒通放荡 打断手骨颠倒勇 向前冲 呒惊命运的作弄 乘风破浪 无论是谁人做总统 团结是力量 咱是东方的太阳
14464/《东方的太阳》Tang-hong ê Thài-iông 大台风乐团Tuā-tâi-hong Ga̍k-thuân 七早八早 tshit-tsá-peh-tsá 有人咧搬厝 ū-lâng teh puann-tshù 吵甲楼顶楼跤 tshá kah lâu-tíng lâu-kha Who怕Who Who phà Who 连鞭起跤动手 liâm-mi khí-kha-tāng-tshiú 拢毋愿认输 lóng m̄-guān jīn-su 无暝无日 bô-mî-bô-ji̍t 拖咧乌白乱锯 thua teh oo-pe̍h luān kù 坱甲规栋公寓 ing kah kui tòng kong-gū 濛烟散雾 bông-ian sàn-bū 像火烧厝 tshiūnn hué-sio-tshù 拢因为自私 lóng in-uī tsū-su 我亲像 guá tshin-tshiūnn 鼎顶狗蚁咧跳舞 tiánn tíng káu-hiā teh thiàu-bú 嘛亲像 mā tshin-tshiūnn 走投无路的鸟鼠 tsáu-tâu bô-lōo ê niáu-tshú 想欲飞 siūnn-beh pue 飞出吵闹的社会 pue tshut tshá-nāu ê siā-huē 想欲钻地 siūnn-beh tsǹg-tē 脱离是非佮长短 thuat-lī sī-hui kah tn̂g-té 想欲飞 siūnn-beh pue 飞出残酷的社会 pue tshut tsân-khok ê siā-huē 想欲钻地 siūnn-beh tsǹg-tē 管待伊 kuán-thāi--i 啥人做皇帝 siánn-lâng tsuè hông-tè 恁家己受罪 lín ka-kī siū-tsuē 我无可奉陪 guá bû-khó-hōng-puê 有人将台湾 ū-lâng tsiong Tâi-uân 叫做乌鲁木齐 kiò-tsuè oo-lóo-bo̍k-tsè 规工拢抢劫 kui-kang lóng tshiúnn-kiap 飙车刣人放火 piau-tshia thâi-lâng pàng-hué 这是啥物社会 tse sī siánn-mih siā-huē 全民抗议游街 tsuân-bîn khòng-gī iû-ke 是啥人 sī siánn-lâng 暗中破害 àm-tiong phò-hāi 咱的土地 lán ê thóo-tē 枉费上帝 óng-huì Siōng-tè 为咱揹十字架 uī lán phāinn si̍p-jī-kè 原来一场误会 guân-lâi tsi̍t-tiûnn gōo-huē 啥人是罪魁 siánn-lâng sī tsuē-khue 爱学习 ài ha̍k-si̍p 鼎顶狗蚁的倔强 tiánn-tíng káu-hiā ê ku̍t-kiông 毋通变成 m̄-thang piàn-sîng 走投无路的台佣 tsáu tâu bô-lōo ê Tâi-iông 向前冲 hiòng-tsiân tshiong 看在台湾的份上 khuànn tsāi Tâi-uân ê hūn siōng 毋通放荡 m̄-thang hòng-tōng 拍断手骨颠倒勇 phah-tn̄g tshiú-kut tian-tò ióng 向前冲 hiòng-tsiân tshiong 毋惊命运的作弄 m̄-kiann miā-ūn ê tsok-lōng 乘风破浪 sîng-hong phò-lōng 无论是啥人做总统 bô-lūn sī siánn-lâng tsuè tsóng-thóng 团结是力量 thuân-kiat sī li̍k-liōng 咱是东方的太阳 lán sī tong-hong ê thài-iông - 感谢 W.B. Chen 修正歌词
标签: 歌词大全
|