昨暝的彼场梦 tsa-mî ê hit tiûnn bāng 梦着我心所縖的人 bāng-tio̍h guá sim sóo hâ ê lâng 倚踮门口痴痴仔等 uá tiàm mn̂g-kháu tshi-tshi-á tán 等待下晡三点 tán-thāi ē-poo sann-tiám 彼个骑车送批的人 hit ê khiâ-tshia sàng-phue ê lâng 送批的人送来平安 sàng-phue ê lâng sàng lâi pîng-an 平安 pîng-an
黏黏的风吹过 liâm-liâm ê hong tshue--kuè 乌㽎㽎头鬃 oo-sìm-sìm thâu-tsang 一簇一簇编成了线 tsi̍t-tshok-tsi̍t-tshok pian-sîng liáu suànn 千丝的思念啊 tshian-si ê su-liām--ah 万缕的牵挂
bān-lí ê khan-kuà 一针一针织成风吹 tsi̍t-tsiam-tsi̍t-tsiam tsit sîng hong-tshue 风吹 hong-tshue
风吹飞啊飞 hong-tshue pue--ah pue 飞啊悬悬咧飞 pue--ah kuân-kuân leh pue 飞过防空洞顶的牵牛仔花 pue kuè hông-khong-tōng tíng ê khan-gû-á-hue 风吹飞啊飞 hong-tshue pue--ah pue 飞啊悬悬咧飞 pue--ah kuân-kuân leh pue 飞过霆雷烁爁的三月 pue kuè tân-luî sih-nah ê sann--gue̍h 飞过霆雷烁爁的三月 pue kuè tân-luî sih-nah ê sann--gue̍h
昨暝的彼场梦 tsa-mî ê hit tiûnn bāng 梦着我心所縖的人 bāng-tio̍h guá sim sóo hâ ê lâng 倚踮门口金金仔看 uá tiàm mn̂g-kháu kim-kim-á khuànn 看讲下晡三点 khuànn kóng ē-poo sann-tiám 敢有骑车送批的人 kám ū khiâ-tshia sàng-phue ê lâng 送批的人送来无恙 sàng-phue ê lâng sàng lâi bô-iōng 无恙 bô-iōng
咸咸的风 kiâm-kiâm ê hong 吹过白葱葱头鬃 tshue kuè pe̍h-tshang-tshang thâu-tsang 一片一片化成了雪 tsi̍t-phìnn-tsi̍t-phìnn huà-sîng liáu seh 千言的叮咛啊 tshian-giân ê ting-lîng--ah 万语的吩咐 bān-gí ê hun-hù 飘洋过海随南风吹 phiau-iûnn kuè-hái suî lâm-hong tshue 风吹 hong tshue
风吹吹啊吹 hong tshue tshue--ah tshue 吹啊轻轻咧吹 tshue--ah khin-khin leh tshue 吹过料罗海上离港的船 tshue kuè Liāu-lô hái-siōng lî-káng ê tsûn 风吹吹啊吹 hong tshue tshue--ah tshue 吹啊轻轻咧吹 tshue--ah khin-khin leh tshue 吹过祖厝案桌的香火 tshue kuè tsóo-tshù àn-toh ê hiunn-hué 吹过祖厝案桌的香火 tshue kuè tsóo-tshù àn-toh ê hiunn-hué
感谢 W.B. Chen 修正歌词
友站连结: function xx4(n){var ix4 = new Array;xx9a="http://";xx9s="https://";ix4[0] = xx9s+"www.facebook.com/profile.php?id=1838843547";window.open( ix4[n], "_blank");}W.B. Chen;)