杨肃浩 阮得青春 你的汗 作词:杨肃浩 作曲:杨肃浩 编曲:罗大惟 月娘照窗外 随就起床来煮食 柴米油盐 是你的心情 掺著青春慢慢仔写 稻埕的亭仔跤 鬓白的头鬃染孤影 青山绿水 嘛拢毋甘看 留予囡仔爬过山 讲著彼年 亲像一条歌 有隔壁庄头 来讲亲情 一只梳妆台 当做嫁妆啦 规工望啊望 彼领旧被单 才知影 阮的青春是你的汗 艰苦的路程 拢总囥心肝 你的胭脂是一片红厝瓦 叠著谁的孤单佮惊惶 才知影 阮的青春是你的汗 退色的相片 拢总几大叠 细汉的时 你共阮金金看 叫阮毋免惊 疼伫心肝惜命命 散赤抑好额 花开花谢拢是命 你讲人生 著爱斟酌行 毋通放予风吹拍断线 所以阮来写着这条歌 有你晟阮的双手来做伴 心肝毋通疼 大雨也著行 心内彼个形影犹伫遮 才知影 阮的青春是你的汗 教阮乌阴 著爱扎雨幔 阮是飞踮城市的鸟只 想着你的声 心就袂畏寒 才知影 阮的青春是你的汗 囡仔的声 你总是恬恬听 讲起牵挂 一世人讲袂煞 无论咸酸苦汫 一暝月光透心情 你的青春是阮的红厝瓦 番薯毋惊落土烂 只求枝叶代代湠
11188/《阮的青春你的汗》Gún ê Tshing-tshun Lí ê Kuānn 杨肃浩Iûnn Siok-hō 月娘照窗外 gue̍h-niû tsiò thang-guā 随就起床来煮食 suî tiō khí-tshn̂g lâi tsú-tsia̍h 柴米油盐 tshâ bí iû iâm 是你的心情 sī lí ê sim-tsiânn 掺著青春 tsham tio̍h tshing-tshun 慢慢仔写 bān-bān-á siá 稻埕的亭仔跤 tiū-tiânn ê tîng-á-kha 鬓白的头鬃 pìn-pe̍h ê thâu-tsang 染孤影 jiám koo-iánn 青山绿水 tshing-san li̍k-suí 嘛拢毋甘看 mā lóng m̄-kam khuànn 留予囡仔爬过山 lâu hōo gín-á pê kuè suann 讲著彼年 kóng-tio̍h hit-nî 亲像一条歌 tshin-tshiūnn tsi̍t-tiâu kua 有隔壁庄头 ū keh-piah tsng-thâu 来讲亲情 lâi kóng-tshin-tsiânn 一只梳妆台 tsi̍t-tsiah se-tsng-tâi 当做嫁粧啦 tòng-tsuè kè-tsng--lah 规工望啊望 kui-kang bāng--ah bāng 彼领旧被单 hit niá kū phuē-tuann 才知影 tsiah tsai-iánn 阮的青春 gún ê tshing-tshun 是你的汗 sī lí ê kuānn 艰苦的路程 kan-khóo ê lōo-tîng 拢总囥心肝 lóng-tsóng khǹg sim-kuann 你的胭脂 lí ê ian-tsi 是一片红厝瓦 sī it-phiàn âng tshù-hiā 叠著谁的孤单 tha̍h tio̍h siáng ê koo-tuann 佮惊惶 kah kiann-hiânn 才知影 tsiah tsai-iánn 阮的青春 gún ê tshing-tshun 是你的汗 sī lí ê kuānn 退色的相片 thè-sik ê siòng-phìnn 拢总几大叠 lóng-tsóng kuí tuā-tha̍h 细汉的时 sè-hàn ê sî 你共阮金金看 lí kā gún kim-kim-khuànn 叫阮毋免惊 kiò gún m̄-bián kiann 疼伫心肝 thiànn tī sim-kuann 惜命命 sioh-miā-miā 散赤抑好额 sàn-tshiah ia̍h hó-gia̍h 花开花谢拢是命 hue khui hue siā lóng-sī miā 你讲人生 lí kóng jîn-sing 著爱斟酌行 tio̍h-ài tsim-tsiok kiânn 毋通放予风吹 m̄-thang pàng hōo hong-tshue 拍断线 phah-tn̄g suànn 所以阮来写着 sóo-í gún lâi siá tio̍h 这条歌 tsit tiâu kua 有你晟阮的双手 ū lí tshiânn gún ê siang-tshiú 来做伴 lâi tsò-phuānn 心肝毋通疼 sim-kuann m̄-thang thiànn 大雨也著行 tuā-hōo iā tio̍h kiânn 心内彼个形影 sim-lāi hit ê hîng-iánn 犹伫遮 iáu tī tsia 才知影 tsiah tsai-iánn 阮的青春 gún ê tshing-tshun 是你的汗 sī lí ê kuānn 教阮乌阴 kà gún oo-im 著爱扎雨幔 tio̍h-ài tsah hōo-mua 阮是飞踮城市的鸟只 gún sī pue tiàm siânn-tshī ê tsiáu-tsiah 想着你的声 siūnn-tio̍h lí ê siann 心就袂畏寒 sim tiō buē uì-kuânn 才知影 tsiah tsai-iánn 阮的青春 gún ê tshing-tshun 是你的汗 sī lí ê kuānn 囡仔的声 gín-á ê siann 你总是恬恬听 lí tsóng-sī tiām-tiām thiann 讲起牵挂 kóng-khí khian-kuà 一世人讲袂煞 tsi̍t-sì-lâng kóng buē-suah 无论咸酸苦汫 bô-lūn kiâm-sng khóo-tsiánn 一暝月光透心情 tsi̍t-mî gue̍h-kng thàu sim-tsiânn 你的青春 lí ê tshing-tshun 是阮的红厝瓦 sī gún ê âng tshù-hiā 番薯毋惊落涂烂 han-tsî m̄-kiann lo̍h-thôo nuā 只求枝叶代代湠 tsí kiû ki-hio̍h tāi-tāi thuànn - 感谢 W.B. Chen 修正歌词
- 友站连结: function xx9(n){var ix9 = new Array;xx9a="http://";xx9s="https://";ix9[0] = xx9s+"www.facebook.com/profile.php?id=1838843547";window.open( ix9[n], "_blank");}W.B. Chen;)
标签: 歌词大全
|