陈永淘 头摆个事情
作词：陈永淘
作曲：陈永淘 南风崁下 牛眼树顶个蝉仔 归日叫嚷嚷
阿山头 逐日掌牛 苦楝树下 啄目睡
嗯兜猴子 远远看着佢 就骂佢喔
阿山头 东边出日头 西边渡船头 降个俫仔无骨头
头摆个事情 头摆 你还记得无
头摆个事情 头摆 你还记得无
走呀走 遽遽走 该系被佢抓着就死无命
大家疲爬极蹶 舂上跌落 㧾得一身烂膏糜
阿山头 目睡摸些 咶咶咄咄 飙起来追嗯俚
该猴子一下泻到无半只 正看着牛牯乜打㪐
阿三头个牛牯打㪐 飙来飙去飙到渡船头
该牛牯没落潭肚搞水 欢喜乐畅毋回头
阿山头打裎脧 嘴开开 笑到弯弯个嘴角像牛角
佢泅上没下 挑挑去摸该旅社来搞水个细妹仔乳菇头 头摆个事情 头摆 你还记得无
头摆个事情 头摆 你还记得无
打赤脚 发烂疤 细人只只拈蛇打? 晒到发臭头
该朳仔食到屙硬屎 灌土狗 榷番薯 滑臭屁
虾公 毛蟹 鲫鱼 溪哥河坝尽多 你毋使愁
该鹅仔会吮人 大家撚脧摄核 走到尾泻屎
觅蚬个时节 嗯俚衫裤脱忒 凉凉打裎脧
好得毋系觅螺螷 该毋赌好 夹着就阿姆哀
阿姆哀 养公入孔 无盼到会挷到大水蛇
害?吓到打往栢 屎朏咤死一只青瞑跛脚个老蛤蟆
头摆个事情 头摆 你还记得无
头摆个事情 头摆 你还记得无
头摆个事情 头摆 你还记得无
头摆个事情 头摆 你还记得无 - 感谢 二哥 提供歌词
标签: 歌词大全
|